partekatu
• MARTXOAREN 8a
Leire Ormazabal, Martxoaren 8ko kartel-lehiaketaren irabazlea
Aurten 21 lan aurkeztu dira Martxoaren 8ko kartel-lehiaketara. Kartel irabazleak 2025eko Emakumeen Nazioarteko Egunaren kanpaina ilustratuko du.
Lasarte-Oriako alkate Agustín Valdiviak, berdintasuneko zinegotzi Lourdes Acevedok eta Emakumeen Zentroko berdintasuneko teknikariak aurtengo lehiaketaren epaimahaiaren erabakiaren berri eman zuten.
Alkateak eskertu nahi izan zuen egindako lana, aurkeztutako kartelen kalitate teknikoa eta artistikoa aitortuz. Valdiviak bide horretatik jarraitzera animatu zituen.
Hauek dira sariak baloratzeko erabili diren irizpideak:
- Kartelaren kalitate teknikoa eta artistikoa, originaltasuna eta sormena.
- Arreta berezia jarri zaio emakumeen eta gizonen arteko aukera-berdintasuna esparru guztietan sustatzeko mezu positibo eta argi bat sartzeari, emakumeak ahalduntzen lagunduko duena eta gizartea berdintasun-balioetan kontzientziatzea bultzatuko duena.
- Balio positiboak transmititzea: emakumeen eskubide eta aukeren berdintasuna, familiako erantzunkidetasuna, hezkuntza ez-sexista eta berdintasunezkoa, berdintasunaren aldeko aktibismoa, emakumeek erdietsitako lorpenak, emakumeen garapen profesionala eta gizartean duten presentzia.
- Hizkera ez-sexista eta berdintasunezkoa erabiltzea.
Herritarrek eman dute ikusgai jarritako kartelei buruz duten iritzia, eta iritzi hori kontuan izan da 2. eta 3. sarietako kartel irabazleak hautatzerakoan.
Kartel irabazlea berdintasuneko teknikariek eta arloko profesionalek osatutako epaimahaiak hautatu du.
Saritutako kartelak honako hauek dira:
- 1. 120 euroko sariarekin eta 2025eko Martxoaren 8ko kanpainaren ilustratzailea izango dena: 9. kartela, Leire Ormazabal Zugarramurdirena.
- 2. 90 euroko sariarekin: 16. kartela, Leire Ormazabal Zugarramurdirena.
- 3. 60 euroko sariarekin: 21. kartela, Brithany Bernardo Adrianena.
