partekatu
• ATERPEAREKIKO HITZARMENA
Lasarte-Oriako Stock Azoka 2025 irailaren 4tik 6ra ospatuko da
Sozio-ekonomiako zinegotziak eta ATERPEA elkarteko lehendakariak aurkeztu dute ekimena Amali Jolasdendan.
Lasarte-Oriak Stock Azokaren edizio berri bat ospatuko du irailaren 4tik 6ra, herriko merkataritza egutegian jada finkatua dagoen hitzordua. ATERPEA merkatarien elkarteak antolatu du ekimena Udalarekin elkarlanean, eta helburua da sasoiko izakinei aterabidea ematea eta herritarrei kalitatezko produktuak eskaintzea prezio oso lehiakorretan.
Aurkezpen ofiziala Amali Jolasdenda establezimenduan egin zen, Geltoki kaleko 6. zenbakian, eta bertan izan ziren Nuria Fernandez Sozioekonomia zinegotzia eta Mabel Pedreira ATERPEAko presidentea. Biek nabarmendu zuten azoka hau oso garrantzitsua dela tokiko merkataritza dinamizatzeko tresna gisa eta herritarrek moda, oinetako, etxeko oihal, elektrizitate, pintura, jostailu eta liburu-dendako eskaintza zabalaz gozatzeko aukera gisa.
Edizio honetan Lasarte-Oriako 12 establezimenduk hartuko dute parte, eta beren lokaletan eskainiko dituzte beren produktuak, oinezkoen joan-etorriak erraztu eta udalerriko kaleetan giroa sortzen lagunduko duena.
Parte hartuko duten saltokiak hauek dira:
- Lilura Liburudenda
- Amali Jolasdenda
- Imagine Jantzi Denda
- Pinturas Pintamil
- Mabel Moda
- Nogues Moda
- Zapatería Iturbe
- Electricidad Arregui
- Urruzola Mertzeria
- Calzados Leder
- Mercería Olmi
- Deco 75 Textil Hogar
Stock Azoka aukera ezin hobea da Lasarte-Oriako kaleetan bertako komertzio txikiari laguntzeko eta giro alaiaz gozatzeko.
Argazkia eta informazioa: Lasarte-Oriako Udala
