partekatu
• ALBOKA ABESBATZA
Alboka abesbatzak hiru urteko hitzarmena sinatu du Udalarekin
Hitzarmen honetan ezartzen da Alboka abesbatzak Lasarte-Orian urtean eman behar dituen kontzertuak, eta 2021 urterako 3.940 euroko diru-laguntza 9.210 euroko aurrekontu baterako
Agustín Valdivia alkateak eta Mª del Carmen Marina Albokako lehendakariak sinatu dute hitzarmena. Bertan, indarraldia hiru urtekoa delarik, bi alderdien betebeharrak eta diru-laguntzaren xedea ezartzen dira.
Hauek dira, besteak beste, Alboka abesbatzak hartu dituen betebeharrak:
- Lasarte-Orian emanaldiak (Herriko Jaietan, Santa Ageda egunaren bezperan eta Eguberrietan)
- Beste abesbatza batzuekin trukekontzertuak
- Mezetan parte hartzea: Santa Zezilia eta Eguberriak.
- Olentzeron parte hartzea
Beste aldetik, Lasarte-Oriako Udalak hitzematen du gehienez ere 3.940,00€ko diru-ekarpena egingo duela 2021eko ekitaldirako, eta konpromiso-gastu gisa aitortua, ondorengo banakapen honen arabera:
- 2021(e)ko ekitaldia: 3.940,00 €
- 2022(e)ko ekitaldia: 3.995,00 €
- 2023(e)ko ekitaldia: 4.051,00 €
ALBOKA ABESBATZAren ohiko funtzionamenduak berarekin dakartzan gastu orokorrak zati batean ordaintzeko xedez gauzatu da hitzarmen hau, eta bereziki, ondorengo programa hauek eragindako gastuak
- Elkarteak erabiltzen duen lokalaren mantentze-lanak, eta halaber, bere jardueretarako beste lokal batzuk erabiltzean sortutakoak.
- Zuzendaritza Teknikoa eta Elkartearen mantentze-gastu orokorrak.
- Abesbatzarako kide berriak erdiestea eta urteko jarduerak ezagutzera ematea.
- Elkarteak urteko jardueren erakusgarri modura eskaintzen dituen kontzertuak.
- Abesbatza-talde batekin truke bat egitea.
Mª Carmen Marinak nabarmendu zuen haientzat oso garrantzitsua dela Villa Mirentxura itzuli ahal izatea eta, horrela, behar bezala entseatu ahal izatea. Gainera, aurten ahots-teknikako irakasle bat kontratatu da hilean bi aldiz joan dadin, eta hori funtsezkoa da abesbatzaren aurrerabiderako.
