partekatu
• INAUTERIAK
2026ko Inauterietarako gaia aukeratzeko prozesua martxan da
Urriaren 28tik azaroaren 11ra bitartean, bost proposamen finalisten artean bozkatu ahal izango dute herritarrek, bai online, bai txartel fisikoen bidez.
Lasarte-Oriako Udalak 2026ko Inauterietako gai nagusia aukeratzeko parte-hartze prozesuaren bigarren fasea aurkeztu du gaur. Prentsaurrekoan Herritarren Partaidetzako zinegotzi Nagore Duranek eta Jaietako zinegotzi Txus Alonsok parte hartu dute, eta herritarrek ekimen honetan erakutsi duten harrera ona eta inplikazio handia nabarmendu dituzte.
Prozesuaren lehen fasean, 148 proposamen jaso dira guztira; horietatik 86 online aurkeztu ziren, eta 62, postontzietan banatutako txartelen bidez. Iradokizun guztiak egiaztatu ondoren, 28 gai identifikatu dira.
Ondoren, Inauterietako konpartsekin partekatu eta aztertu dira proposamen horiek, eta, horren ondorioz, bost gai finalista aukeratu dira, prozesuaren bigarren fasera pasako direnak. Aro berri honetan, herritarrek erabakiko dute zein izango den 2026ko Inauterietako gai nagusia Lasarte-Orian.
Nagore Durán Herritarren Partaidetzako zinegotziak azpimarratu duenez, “Lasarte-Oriako Inauteria oso jai parte-hartzailea da, eta prozesu honen bidez, herritarrak lehen unetik parte aktibo sentitzea nahi dugu, hurrengo jaietako giroa eta dekorazioa markatuko dituen gaia aukeratuz”.
Jaietako zinegotzi Txus Alonsok, bere aldetik, “konpartsen inplikazioa eta prozesu hau garatzen ari den ilusioa” azpimarratu ditu, “Lasarte-Oriaren parte hartze eta jai espiritua beste behin ere erakusten duena”.
Parte-hartzea urriaren 28tik azaroaren 11ra egin ahal izango da, bi egunak barne, bi bide hauen bitartez:
- Online, udal webgunean eskuragarri dagoen formulario baten bidez.
- Aurrez aurre, txartel bat betez. Txartela herritarrek parte hartzeko postontzietan utzi ahal izango da, udalerriko toki hauetan:
- Udaletxea
- Gazteleku
- Maialen Chourraut Udal kiroldegia
- Manuel Lekuona kultur Etxea
- Emakumeen Etxea
Bi kasuetan, parte-hartzailearen NANa adierazi beharko da.
Epea amaitu eta botoak zenbatu ondoren, emaitza konpartsekin partekatuko da bilera batean. Bilera horretan, prozesua baliozkotuko da eta 2026ko inauterietako gai irabazlearen berri emango da.
Argazkia eta informazioa: Lasarte-Oriako Udala
